Монгол Улсаас Унгар, Серб Улсад суугаа ЭСЯ
МОНГОЛ | ENGLISH

УЛС ТӨРИЙН ХАРИЛЦАА

Дипломат харилцаа
1956
2023
1956

1956 оны 11 дүгээр сарын 20-ны өдөр дипломат харилцаа тогтоосон.

2023

2023 оны 11 дүгээр сарын 16-ны өдөр Бүгд Найрамдах Серби Улсаас Монгол Улсад хавсран суугаа Элчин сайд Мая Стефанович Монгол Улсын Ерөнхийлөгч У.Хүрэлсүхэд итгэмжлэх жуух бичгээ өргөн барьсан.

Монгол Улсаас Серби Улсад хавсран суух Элчин сайд Н.Энхтайван Бүгд Найрамдах Серби Улсын Ерөнхийлөгч Александр Вучич-д итгэмжлэх жуух бичгээ өргөн барихаар ажиллаж байна.

Монгол Улсаас Унгар Улсад суугаа Элчин сайдын яам Бүгд Найрамдах Серби Улсад, Бүгд Найрамдах Серби Улсаас Бүгд Найрамдах Хятад Ард Улсад суугаа Элчин сайдын яам манай улсад тус тус хавсран суух байна.

Харилцааны түвшин

Найрсаг харилцаа, хамтын ажиллагаатай

Харилцан хийсэн гол айлчлалууд

Монгол талаас

1974 он

БНМАУ-ын Сайд нарын Зөвлөлийн дарга Ю.Цэдэнбал

2013 он

Гадаад харилцааны сайд Л.Болд 2013 оны 11 дүгээр сарын 8-9-ний өдрүүдэд Бүгд Найрамдах Серби Улсад айлчилсан.

2015 он

Гадаад харилцааны сайд Л.Пүрэвсүрэн 2015 оны 12 дугаар сарын 3-4-ний өдрүүдэд Бүгд Найрамдах Серби Улсын нийслэл Белград хотноо зохион байгуулсан Европын аюулгүй байдал, хамтын ажиллагааны байгууллага (ЕАБХАБ)-ын Сайд нарын зөвлөлийн 22 дугаар уулзалтад оролцсон.

Серби талаас

2003 он

Гадаад харилцааны орлогч сайд тэргүүтэй төлөөлөгчид 2003 онд Улаанбаатарт болсон АШСТО-уудын Олон улсын V бага хуралд оролцсон.

2013 он

Гадаад харилцааны сайд Иван Мркич 2013 оны 4 дугаар сард болсон АОХН-ийн Сайд нарын VII бага хуралд оролцсон.

2024 он

Гадаад харилцааны яамны Төрийн нарийн бичгийн дарга бөгөөд Үндэсний Ассамблейн даргын Тусгай элч Горан Алексич 2024 оны 4 дүгээр сард Монгол Улсад айлчилсан.

Хоёр талын харилцааны механизмууд

01

Монгол Улсын Гадаад харилцааны яам, Бүгд Найрамдах Серби Улсын Гадаад харилцааны яам хоорондын Улс төрийн хоёрдугаар уулзалт

02

Монгол Улсын Гадаад харилцааны яам, Бүгд Найрамдах Серби Улсын Гадаад харилцааны яам хоорондын консулын зөвлөлдөх уулзалт

СЕРБИ УЛС

Нутаг дэвсгэр 88,499 км² (Унгар, Румын, Болгар, Хойд Македон, Косово, Монтенегро, Босни Герцеговина, Хорват улсуудтай хиллэдэг)
Хүн ам 6.6 сая (2026 он)
Үндэсний баяр 2 дугаар сарын 15 (Улс тунхагласан өдөр, Srbija Sretenje)
Шашин Хүн амын ойролцоогоор 85% Ортодокс христ шашинтай, 5% католик, 3% мусульман, бусад шашин шүтдэг
Нийслэл Белград
Засаг захиргааны нэгж 29 тойрог (округ) ба Белград хот, түүнчлэн Воеводина автономит муж
Улс төрийн тогтолцоо Парламентын бүгд найрамдах засаглал
Ерөнхийлөгч Александар Вучич
Ерөнхий сайд Джуро Мацут (2026)
Парламентийн удирдлага Үндэсний ассамблейн дарга Ана Брнабич
Хууль тогтоох засаглал Нэг танхимтай, 250 гишүүнтэй Үндэсний ассамблей
Улс төрийн гол намууд Сербийн Дэвшилтэт нам — SNS (129 мандат), Сербийн Социалист нам — SPS, Хамтдаа Серби эвсэл
Гадаад хэргийн сайд Марко Джурич (2024-)

Эдийн засгийн үзүүлэлтүүд

Дотоодын нийт бүтээгдэхүүн (ДНБ, нэрлэсэн) ойролцоогоор 112.0 тэрбум ам.доллар (2026)
ДНБ-ий бодит өсөлт 2026 оны 1 дүгээр улирлын жилийн дүнгээр 3.2% (өмнөх улирал 2.2%-аас өссөн)
Нэг хүнд ногдох ДНБ ойролцоогоор 17,000 ам.доллар (2026)
Дундаж цалин 1,000-1,100 ам.доллар орчим (2026 оны дунд)
Инфляцийн түвшин 4% орчим (2026 оны дунд)

ЭДИЙН ЗАСГИЙН ХАРИЛЦАА

Худалдааны эргэлт

Монгол, Сербийн хоёр талын гадаад худалдааны эргэлт: 2023 онд 798 мянган ам.доллар, 2024 онд 1.4 сая ам.доллар, 2025 онд 1.7 сая ам.доллар болсон.

Хөрөнгө оруулалт

ХБНСЮУ-ын Засгийн газрын зээлээр Улаанбаатарт савхин эдлэлийн үйлдвэр барьж, 1988 онд ашиглалтад оруулсан. Мөн ХБНСЮУ-ын инженерүүд 1987 онд Сэлэнгэ зочид буудал (одоогийн Чингис Хаан зочид буудал)-ын барилгын ажлыг эхлүүлж, 1990 он хүртэл барьжээ.

ХҮМҮҮНЛЭГИЙН БУСАД ХАРИЛЦАА

Иргэд харилцан зорчиж буй тухай

Дипломат болон албан паспорт эзэмшигчид 2026 оны 1 дүгээр сарын 30-ны өдрөөс эхлэн 90 хоног харилцан визгүй зорчиж байна.